Священомученик TЕОДОР РОМЖА

Теодор Ромжа приняв мученичеську смерть по своюй волі, бо віру свою любив булше всього, булше жизни. У його вірі органичеськи проявляється жизнь той містной церкви, до котрой вун принадлежав. А прожив отець Теодор свою жизнь у Середнюй Европі,пуд Карпатськими горами, у Мукачев-ськуй греко-католичеськуй єпархии.

Сися єпархия лежить межи Востоком и Западом, у географичному центрі Европы. За всю свою исторію ипен сись регіон отділяв тай обєдиняв Восток и Запад, быв посредником и межи Югом и Севером, открытый у сфері духовных, политичеських, економичеських и даже кровно-родственных связей и взаимовлияний.

Иммено за се сися містна церковь, родившаяся та живуща на душепастырськуй границі межи Восточными и Западными церквями, змогла стати и живым знаком їх сопричастия (communion), котру поначалу недооцінювали, а даколи и пренебрегали юй. Она из самого начала свойого существования своїм специфичеським способом, не изміняя собі, своїм восточным,візантійським корням, но при сьому воспринимая - спонтанно чи сознательно - и западні влияния, робить у Христовому винограднику, из особым вниманием стараясь выполнити заповідь Христа о єдинстві. Ведь сися єпархия - в результаті восстановления видимого єдинства з престолом Рима у 1646 году, як и вшыткі инші Восточні Католичеські Церкви, особенно призвана для того,жеби напоминати об актуальности молитвы Святої Літургії о „соєдинении всіх”. И от сього призвания она не отшатнулась и во время преслідований ХХ. віка, бо получила - як залог вірности и стойкости - єпископа Теодора и його священников - исповідников.

Территория Мукачевськой греко-католичеськой єпархии - Подкарпатська Русь - до 1919 года - часть Австро-Венгерськой монархии. До 1939 года принадлежить Чехословакії, за тим знову до Венгрії. У 1945 году сисьі землі становяться частью Советского Союза, а в його пределах Українськой Соціалистичеськой Республіки. Пудкарпаття переименовано у Закарпатську область, из 1991 года являєся частю Україны як суверенного государства.

ПРОЧИТАТИ КНИГУ