РЕЦЕПТЫ РУСИНСЬКЫХ ҐАЗДЫНЬ МАДЯРЩИНЫ

У Мадярщині у теперишный час живе много русинських родин у разных містах. Они старавуться сохранити своє традиціонноє стравованя, котроє як и у другых народув має єдну основу, айбо много особенностей. На многых сятах, котрі організовують наші самоуправленія, проводяться выставки-дегустації русинськых страв, де гості можуть їх покоштоловати и упознати.

Сталося так, ош на єдному Дню Меншин у Овбуді (III район Будапешта), многі присутствующі, покушавши наші стравы, попросили нас дати їх рецепты. Так у мене появилася ідея выдати книжку, де рецепты были бы написані на двох языках: русинському и мадярському. Ідею приняли и подпоровали многі депутаты районув Будапешта. До роботы по збираню рецептув пудкапчалися многі русинські газдыні.

Ид вуданню первої книги: “Рецепты русинськых газдынь Мадярщины” збираня матеріала зачалося давно, майже вуд первого засідания клуба “Рускиня”, котроє состоялося у 2003 році. У конци каждого засіданія мож было покушати оригіналні русинські стравы, прилажені нашими шиковными газдынями.

У нашуй зберьці мож буде найти старовинні рецепты наших прабабок и сочасні рецепты: горячі и студені стравы, шалаты, напитки, стравы прилажені наскоро.

Надіємеся, ош у будущому выйдуть ищи майнові книгы, котрі будуть поповнені рецептами наших молодых русинськых газдынь из усьої Мадярщины!

Дякуву ушыткым, кто не лем помагав, а и подпоровав выдання сеї первої книги!

ПРОЧИТАТИ КНИГУ