Андрея Илько „Вібраціи любови – танець сирдець и слӱв” выставка образув
- Váci Ruszin Önkormányzat
- 10 февр.
- 2 мин. чтения
Обновлено: 17 февр.
«Свойима образами я ся намагаву докликовати глыбокі емоціи, дожадовучися гармоничного спувдїяня сирдець и слӱв, обы зрителї годны бôли вынайти у сих картинах свою питомну скушеность». – Андрея Илько
Новійша серія картин Андреї Илько «Вібраціи любови – танець сирдець и слӱв» – есе спеціална доборка ид Днёви сятого Валентина, призвана одобразити май глыбокі пасма емоцій. Роботы выповненї у мягкых тонах и нїжных фактурах, а гармонична игра сирдець и абстрактных форм стварять бесподобну романтичну атмосферу.
Андрея написала любовный верш ид каждуй картині, котрый ся зливать из композіціёв, ставучи неуднятнов частков картин. Исі шорики вызывавуть у памяти таинственї и інтімнї моменты любови, давучи позирачам можность проїціровати властнї чутя и мыслї у образы.
Серія через игру світла и тїни передавать бесчасовость любви: моменты, котрі єдночасно мимолетнї и охтемнї. Искусна техника Андреї – хоснованя пастозности и фактуры – придавать картинам богату емоціоналну и візуальну глубину, при сёму у кождому образі ся рефлектує романтична тайна.
Про художницю:
Андрея Илько, уроженка Пукарпатя, є виднов поставов у русинськуй сполности мадярщины, котра заслужила широкоє признаня не лем свойима художественыма образами, айбо и свойим дїятельством як оборонитель културної дїдузнины. Из 1985 до 1990 рока она штудовала у коледжови ужиткового кумшта у Унґварі. Єї образы выявлявуть чуствителный и інтімный світ, котрый єдночасно уддавать чисть традіціям и удкрывать нові перспективы.
За час свойов обширнов выставнов дїятелности она принимала участь у многых персоналных и ґруповых выставках, у тому числї у выставцї «Шедевры русинського умілства» у палатї Штефанія у Будапештї у 2018 рокови и у ґруповуй выставцї «Національный кумшт у Мадярщинї» у Széphárom Közösségi Tér у Будапештї у 2023 рокови.
Єї робота бôла удзначена многыма наградамы, включно русинську Націоналну премію имени Антонія Годинкы, котру она дустала за промінентну дїятелность у културнуй и сосполнуй жизни націоналної общины.
Рекомендуєме вам такой и репортаж Váci Napló Online:
Comments